Nga e mërkura në territoret tona do të fillojnë të fryjnë erëra të ngrohta nga perëndimi dhe jugperëndimi si dhe nën ndikimin e bllokadës anticiklonike do të kemi mot stabil dhe kryesisht me diell. Si pasojë temperaturat shënojnë rritje të mëtutjeshme dhe kjo gjendje është plotësisht normale për muajin Korrik kur kemi depërtime të masave të nxehta ajrore me origjinë nga Afrika veriore.
I nxehti pritet të jetë paksa i rëndë, prandaj apelohet për kujdes në orët e mesditës veçanërisht për personat e shtyrë në moshë dhe personat e ndjeshëm që kanë shëndet paksa më të dobët. Kujdesi duhet të jetë në nivele të larta sidomos duhet shmangur kontaktin direkt me diell në orët e mesditës.
Temperaturat pritet të shënojnë rritje edhe gjatë orëve të natës, prandaj në disa rajone mund të kemi disa netë tropike që temperatura minimale nuk pritet të ulet nën 20 gradë Celsius. Për viset bregdetare kjo është e përditshme, por fjalën e kemi edhe shumë vise kontinentale.
Vala e nxehtësisë verore nuk është asgjë e jashtëzakonshme dhe është plotësisht normale për këtë periudhë kohore në të cilën gjendemi, por sigurisht se kjo valë nxehtësie do të jetë mjaft e fuqishme, prandaj kujdesi duhet të jetë në nivele të larta.
Kjo valë nxehtësie me siguri pritet të zgjasë shumë ditë. Sipas ecurive aktuale do të kemi të paktën një javë me temperatura mjaft të larta, por mund të ndodhë edhe më shumë./METEOBALLKAN
