Anticikloni i fuqishëm dhe stabil do të na sigurojë mot kryesisht stabil dhe të nxehtë ditëve të ardhshme. Netët ende do të jenë të ftohta, kurse reshjet atmosferike as që vijnë në konsiderim.
Kjo gjendje do të na përcjellë deri kah mesi i javës së ardhshme kur do të kemi krijimin e një cikloni të fuqishëm në Mesdhe dhe veriun e Italisë si pasojë e depërtimit të një mase jo stabile në këtë rajon. Ky ciklon do të fillojë të distribuojë të reshura atmosferike në Gadishullin Ballkanik posaqërisht në Slloveni, Kroaci, Bosnjë dhe Hercegovinë dhe Mal të Zi ku priten reshje të dendura shiu.
Gjatë javës së ardhshme pritet që masa të lagshta ajrore herë pas here të depërtojnë edhe në Shqipërim Kosovë dhe Maqedoni ku priten reshje lokale dhe rrebeshe lokale shiu me vetëtima dhe bubullimë. Ende nuk mund të themi se reshjet mund të jenë gjithëpërfshirëse megjithatë gjasat janë të mira sepse cikloni do të jetë i fuqishëm dhe masat ciklonike parashihen që të qëndrojnë gjatë në Mesdhe duke tentuar të depërtojnë në drejtim të jugut dhe lindjes së Kontinentit.Meteoballkan
