Fusha të fuqishme ajrore anticiklonike kanë përfshirë rajonin tonë dhe po kushtëzojnë mot të kthjellët pranveror, megjithatë në shumë vise kontinentale ende është freskët për shkak të erërave verilindore dhe lindore.
Masat e ngrohta ajrore nga dita e nesërme do të fuqizohen mbi rajon duke kushtëzuar ngritje të temperaturave në të gjitha pjesët e rajonit tonë. Erëra do të ketë ende por do të jenë pak më të buta.
E premta na siguron mot edhe më të nxehtë dhe stabil. Ngrohtë do të jetë edhe për fundjavë, por pritet edhe shtim i vranësirave të cilat megjithatë nuk do të sjellin reshje atmosferike.
Shfrytëzojeni motin e mirë por gjithsesi respektojeni rekomandimet e institucioneve shëndetësore për të ndejtur sa më shumë në shtëpi si dhe për distancë sociale sepse është mënyra e vetme për tu ndihmuar më të dashurve tanë./Meteoballkan
