Ndërrimi i gomave të verës me ato të dimrit në veturë për të gjithë shoferët do të fillojë nga sot dhe do të zgjasë deri më datën 15 mars.
Të gjithë shoferët pa marrë parasysh kushtet atmosferike, duhet t’i zëvendësojnë gomat e verës me ato të dimrit, si dhe të pajisen me pajisje të tjera dimërore.
Ligji për rregullat e trafikut rrugor parasheh dënime për shoferët që gjatë dimrit, periudhë që përfshin kohën ndërmjet 15 nëntorit dhe 15 marsit, ngasin automjetet e tyre pa pajisje dimërore.
Policia e Kosovës ka bërë apel tek të gjithë shoferët që të zëvendësojnë gomat e verës me ato të dimrit.
Sipas Ligjit për Trafikun Rrugor dënohet për kundërvajtje me gjobë prej dyzet (40) euro, shoferi i mjetit i cili vepron në kundërshtim me këto rregulla.
