Pas sistemit të fuqishëm frontal dhe erërave të fuqishme sot kemi një ditë me diell dhe me erëra më të dobësuara se ditën e djeshme. Temperaturat do të shënojnë ngirtje të theksuar ku në Shqipëri maksimalja do të arrijë deri në 26 gradë celsius, kurse në Kosovë rreth 23 gradë celsius në nivel vendi.
Masat ajrore me origjinë nga Afrika Veriore do të qëndrojnë disa ditë me ne. Nesër pritet mot i ngjashëm sikurse sot, por me mundësi të ndonjë rrebeshi shiu pasdite në viset kodrinore-malore. Pasnesër pritet kulminacioni i nxehtësisë ku temperaturat në tërë rajonin tonë do të jenë krejtësisht verore.
Të shtunën pritet të kemi destabilizim të fuqishëm të motit me rrebeshe lokalisht të fuqishme shiu me vetëtima dhe bubullim.
Informacione dhe detaje tjera në postimet tona të ardhshme./Meteoballkan
