Sonte gjatë natës dhe nesër në Mesdhe do të kemi krijimin e një cikloni i cili nuk do të jetë shumë i fuqishëm, megjithatë do të sjellë reshje atmosferike. Ky ciklon do të krijohet si pasojë e depërtimit të një mase jostabile ajrore nga Alpet në drejtim të Mesdheut. Cikloni do të përfshijë së pari Slloveninë me reshje të dendura bore, pastaj Kroacinë me reshje shiu dhe bore. Gjatë ditës së nesërme masat ajrore jo stabile në kuadër të këtij cikloni dë të përfshijnë edhe Bosnën dhe Hercegovinen, Malin e Zi dhe Shqipërinë. Gjatë natës mes të Premtës dhe së shtunes reshje atmosferike kryesisht bore priten edhe në Kosovë por nuk priten reshje të mëdha.
Reshjet nga ky ciklon do të jenë më intensive përgjatë Bregdetit Adriatik dhe Jon e sidomos në Ballkanin veriperëndimor. Do të jetë ky cikloni i parë nga një seri ciklonesh të cilat do të përfshijnë rajonin tonë ditëve të ardhshme. Sot kemi edhe modelin GFS i cili po hyn në trendin e modelit ECMWF. Të dyja modelet për dhjetëditëshin e fundit të këtij muaji parashohin krijimin e blloqeve të fuqishme anticiklonike që nga Skandinavi, Siberia e deri tek Azoret. Posaqërisht i rëndësishëm do të jetë anticikloni i fuqishëm Skandinavë i cili përmes periferisë së tij do të dërgojë sasi të mëdha ajro të ftohtë në drejtim të Evropës dhe Ballkanit.
Priten reshje të fuqishme shiu bore etj., pra i tërë rajoni i Ballkanit perëndimor por edhe më gjerë do të goditen nga ciklone të fuqishme ditëve të ardhshme. “Aktivitetet” ciklonike nuk do të ndjehen shumë fillimisht në Kosovë dhe Maqedoni por në pjesët tjera të Ballkanit.
Informata tjera në postimet tona të ardhshme në meteoballkan.com./Meteoballkan
