Dhjetëra miliona njerëz në SHBA janë nën paralajmërimin për nxehtësi ekstreme, me shumë qytete, duke përfshirë Çikagon, duke thyer rekorde të nxehtësisë në atë që parashikohet të jetë një javë “jashtëzakonisht e nxehtë”.
Shtetet federale në Midwest të SHBA-së kanë regjistruar temperatura të larta që nga dje dhe Shërbimi Kombëtar i Motit e quajti atë një valë të rrezikshme dhe të gjatë të të nxehtit që pritet të arrijë nga Iowa në Maine në bregun lindor dhe të zgjasë të paktën deri të premten.
Guvernatorja e Nju Jorkut, Cathy Hochul tha sot se ka aktivizuar Gardën Kombëtare për të ndihmuar popullatën.
“Kjo është një kohë me rrezik të madh dhe ne po bëjmë më të mirën që mundemi për të siguruar që të gjitha jetët të mbrohen”, u tha Hocuch gazetarëve.
Dje, Çikago theu rekordin e temperaturës nga viti 1957 prej 36.1 gradë Celsius. Nxehtësia dhe lagështia do të vazhdojnë këtë javë, me maksimum afër 37.7 gradë Celsius, tha Shërbimi Kombëtar i Motit.
Vitin e kaluar, SHBA përjetoi valët më të mëdha të nxehtit që nga viti 1936 – moti anormalisht i nxehtë që zgjati më shumë se dy ditë.
Autoritetet po hapin qendra me ajër të kondicionuar dhe u bëjnë thirrje qytetarëve të qëndrojnë në shtëpi dhe të kontrollojnë nëse të afërmit dhe fqinjët kanë nevojë për ndihmë.
Vitet e fundit, vapa ka qenë veçanërisht e rrezikshme në Phoenix, Arizona, ku 645 njerëz vdiqën prej saj në vitin 2023, më së shumti deri atëherë.
Temperatura atje ishte 44.4 gradë Celsius të shtunën. Shërbimi i motit raporton se dy javët e para të qershorit në Phoenix ishin fillimi më i ngrohtë i muajit në histori.
Meteorologu i Phoenix këshilloi kufizimin e kohës së kaluar jashtë midis orës 10:00 dhe 18:00, duke qëndruar të hidratuar dhe duke veshur veshje të lehta dhe të rehatshme. Më shumë se 100 qendra me ajër të kondicionuar janë të hapura brenda dhe përreth qytetit, duke përfshirë dy që funksionojnë gjatë gjithë natës.
