Fronti i ftohtë ka depërtuar në rajonin tonë dhe ka kushtëzuar ulje të ndjeshme të temperaturave. Gjithashtu siç kemi paralajmëruar në vendin tonë ka reshje shiu, kurse në viset kodrinore- malore kanë filluar reshjet e borës.
Gjatë orëve të ardhshme reshjet e borët do të “ulen” edhe në lartësi të ulëta mbidetare në Kosovë, kështu që priten reshje estetike bore në shumë qytete dhe qyteza të Republikës së Kosovës, normalisht jo në tërë territorin.
Gjatë orëve të mëngjesit reshjet do të ndalen dhe pritet kthjellim i motit. Nesër na pret një ditë e kthjellët, me shumë rreze diellore, vranësira të pakta, por me erëra të ftohta veriore dhe verilindore.
Sipas të gjitha gjasave kjo do të jetë bora e fundit për këtë sezonë./Meteoballkan
