Janë shfaqur pamje të reja dramatike të përmbytjeve shkatërruese që goditën Spanjën ditët e fundit, duke treguar rrugët që janë kthyer në lumenj.
Ndërsa vendet në Mesdheun lindor përjetuan një valë të hershme të nxehti, rajoni i Costa Blanca në Spanjë dhe ishulli Majorca u përmbytën nga stuhia Tamara, duke nxitur zyrtarët lokalë të shpallin emergjenca të motit, shkruajnë mediat e huaja.
Të dy destinacionet janë të njohura për turistë dhe shiu do “t’i rrezikojë” pushimet për shumë njerëz.
Në aeroportin Palma të Majorkës, media lokale tha se aq shi ra të martën – sa që ka përmbytur pistën dhe ka bllokuar të paktën 100 fluturime.
Edhe në Murcia, pati shumë shi, me disa video të postuara në internet që tregojnë lëvizjen e shpejtë të ujit që rrjedh nëpër rrugët e qytetit juglindor.
Në një incident të rëndë, një grua u detyrua të shpëtohej nga zjarrfikësit nga makina e saj pasi u “përfshi” nga përmbytjet e shpejta.
