Sot në Kosovë do të mbajë mot kryesisht i kthjellët dhe me diell. Përsëri do të kemi ngritje të temperaturave. Do të ketë edhe vranësira kalimtare por do të jetë nxehtë.
Në Shqipëri po ashtu do të kemi mot kryesisht të kthjellët dhe me vranësira kalimtare. Temperaturat do të shënojnë ngritje si pasojë e ndikimit të masave ajrore nga Mesdheu.
Edhe në Maqedoni sot do të kemi mot kryesisht me diell dhe me vranësira kalimtare me temperatura që do të shënojnë ngritje përsëri.
Të Premten në Kosovë paradite do të mbajë mot me diell dhe mjaft i nxehtë kurse pasdite pritet që të kemi zhvillim vranësirash të cilat do të na sjellin rrebeshe lokale shiu të shoqëruara edhe me vetëtima dhe bubullimë.
Në Shqipëri të Premtën në pjesën më të madhe të territorit shqiptar do të mbajë mot me diell dhe mjaft i nxehtë.
Edhe në Maqedoni të Premten do të mbajë mot me diell dhe mjaft i nxehtë kurse pasdite ka mundësi për rrebeshe të izoluara shiu kryesisht në viset malore.
Të Shtunën do të kemi mot të ndryshueshëm ku në pjesën më të madhe të Kosovës, Maqedonisë perëndimore dhe Shqipërisë verilindore do të kemi mot jashtëzakonisht jostabil me rrebeshe shiu të shoqëruara edhe me vetëtima dhe bubullimë. Në pjesët tjera të Shqipërisë do të jetë kryesisht kthjellët por edhe me ndonjë rrebesh të izoluar shiu.
Të Dielen sipas ecurive aktuale sinoptike pritet stabilizim i motit në të gjithë rajonin tonë.
