Sot në Kosovë parashihet të kemi ulje graduale të temperaturave. Paradite dhe në mesdite ende do të jetë nxehtë, por ulja e temperaturave do të fillojë të ndjehet menjëherë. Pasdite dhe në mbrëmje pritet ulje e ndjeshme e temperaturave me mundësi për reshje lokale shiu.
Minimalja pritet të zbres deri në 14 gradë Celsius kurse maksimalja pritet të arrijë deri në 26 apo 27 gradë Celsius.
Më shumë rrebeshe shiu priten në shumë pjesë të Shqipërisë dhe Maqedonisë së Veriut, por edhe atje nuk priten reshje gjithëpërfshirëse. Temperaturat do të shënojnë ulje të lehta sidomos në zonat e reshjeve dhe zhvillimeve atmosferike.
Të martën në Kosovë na pret mot vjeshtor, me ulje të ndjeshme të temperaturave dhe riga lokale shiu. Më në fund do të kemi depërtim të masave ajrore mjaft të freskëta nga veriu të cilat do të largojnë ajrin e nxehtë afrikan nga viset tona. Ulje të temperaturave pas Kosovës do të ketë edhe në Shqipëri dhe Maqedoninë e Veriut e mundësi për reshje lokale.
Të mërkurën më freskët në të gjitha viset, por njëkohësisht stabilizim i motit./MeteoBallkan
