Vranësira dhe riga lokale shiu u parashikuan në Republikën e Kosovës, por të pakta.
Reshje të pakta dhe të izoluara priten edhe në orët e mëngjesit të së shtunës, pak më shumë në jug dhe lindje të vendit, ndërsa gjatë ditës priten intervale kohore me diell, vranësira lokale dhe ndonjë reshje e pakët e izoluar. Temperatura maksimale pritet të arrijë deri në 20 gradë Celsius.
Më shumë reshje priten në jug të Shqipërisë dhe gati tërë territorin e Maqedonisë së Veriut gjatë orëve të natës dhe mëngjesit të hershëm, ndërsa gjatë paradites apo dites përmirësim i motit dhe intervale kohore me diell. Gjatë ditës reshje mund të paraqiten nganjëherë vetëm në disa zona të izoluara.
E Diela pritet të karakterizohet me mot të ndryshueshëm. Paradite me diell dhe vranësira të pakta lokale, ndërsa pasdite shtim i vranësirave dhe rrebeshe lokale shiu me vetëtima dhe bubullimë. Në pjesët qendrore dhe veriore të bregdetit shqiptar kryesisht me diell.
Fillimi i javës së re pritet të ketë mot me intervale kohore me diell, vranësira lokale dhe rrebeshe të izoluara shiu me ndonjë vetëtimë dhe bubullimë./MeteoBallkan
