Sot në Kosovë pritet të mbajë mot kryesisht i vranët dhe me reshje të dobëta, lokale shiu dhe ndonjë fjollë bore kryesisht në disa zona kodrinore-malore. Në mëngjes mund të ketë edhe shi të ngrirë të intensitet krejtësisht të dobët. Gjatë natës kthjellime dhe acar në mëngjesin tjetër. Temperaturat nga 0 deri në 6 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me vranësira e intervale kohore me diell. Rrallë në disa zona priten reshje të dobëta atmosferike. Shumë më shumë diell në Shqipëri, jug të Malit të Zi dhe shumë pjesë të Maqedonisë së Veriut.
Të Premten mëngjesi mjaft i ftohtë dhe vende-vende me acar. Dita stabile dhe kryesisht me diell, megjithatë mbetet ftohtë.
Për fundjavë sërish shtim i vranësirave dhe reshje kalimtare shiu. Në viset malore reshje kalimtare bore. Të dielën vonë sërish ulje e temperaturave dhe mundësi për reshje të dobëta përpos shiut edhe të borës vetëm në disa zona të pakta të Kosovës. Në Shqipëri reshje shumë më intensive dhe stuhi me rrebeshe shiu të cilat nuk zgjasin shumë. Në viset malore të tërë rajonit priten intervale reshjesh bore./MeteoBallkan
