Sot në Kosovë pritet të kemi mot mjaft të ngrohtë për këtë periudhë kohore, me alternime mes vranësirave e intervaleve kohore me diell dhe rrymime ajrore të ngrohta nga jugu e juperëndimi. Temperaturat pritet të jenë të larta nga 0 minimalja deri në 15 gradë Celsius ajo maksimale, ndërsa në veriperëndim të vendit mund të ketë ndonjë rigë ose rrebesh i shkurtër shiu.
Në Shqipëri pritet të mbajë mot me intervale kohore me diell dhe shtim të vranësirave të cilat në mbrëmje do të kushtëzojnë reshje e rrebeshe lokale shiu. Reshje intensive shiu priten në mbrëmje në Mal të Zi dhe veri të Shqipërisë.
Ngrohtë dhe me intervale kohore me diell pritet të jetë moti nesër edhe në Maqedoninë Veriore dhe Luginë të Preshevës.
Pas reshje dhe rrebesheve të së Martës vonë, gjatë së mërkurës pritet rigjenerim i reshjeve të shiut në Shqipëri, pastaj këto reshje shiu do të përfshijnë edhe Republikën e Kosovës në mbrëmje dhe pjesë të Maqedonisë së Veriut dhe Luginës së Preshevës.
Nga e Enjta do të vazhdojnë alternimet mes vranësirave, intervaleve kohore me diell dhe reshjeve të izoluara./MeteoBallkan
