Sot në Kosovë pritet të mbajë mot më stabil, me diell dhe vranësira lokale dhe me rritje të temperaturave. Pasdite rrallë në disa zona mund të ketë ndonjë rigë ose rrebesh të izoluar shiu me ndonjë vetëtimë dhe bubullimë, kryesisht në veriperëndim të vendit (Pejë-Istog). Temperatura maksimale deri në 24 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Martën pritet të mbajë mot me diell dhe vranësira më të pakta lokale, krahasuar me ditët e kaluara dhe po ashtu edhe temperaturat shënojnë rritje. Do ketë rrymime të fuqishme ajrore nga jugperëndimi dhe masa ajrore nga Afrika veriore do të fillojë të sjellë në rajonin tonë edhe grimcat e pluhurit saharian.
Të Mërkurën destabilizim i fuqishëm i motit, por do të ketë edhe diell dhe mot të nxehtë paradite. Pasdite vende-vende priten zhvillime konvektive në atmosferë me mundësi për krijimin e disa stuhive të fuqishme me shi, shkarkesa atmosferike dhe breshër. Stuhitë do të jenë të karakterit lokal dhe më të fortat priten në disa rajone nga pjesët qendrore dhe veriperëndimore të Shqipërisë, verilindje të Maqedonisë së Veriut dhe Luginë të Preshevës dhe disa vise të Republikës së Kosovës./MeteoBallkan
