Sot në Kosovë pritet të mbajë mot me diell dhe vranësira lokale. Rrallë në disa vise mund të ketë ndonjë rigë ose rrebesh të shkurtër shiu, ndërsa temperaturat maksimale pritet të arrijnë deri në 29 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Martën pritet të mbajë mot me diell dhe vranësira lokale. Në disa vise të Maqedonisë së Veriut dhe lindjes së Shqipërisë do të ketë ende gjasa për ndonjë rrebesh lokal shiu me vetëtima dhe bubullimë.
Mesi i javës vjen me stabilizim të plotë të atmosferës dhe përsëri me rritje të temperaturave. Të Premten në Mal të Zi dhe veri e veriperëndim deri në qendër të Shqipërisë mund të kemi stuhi të fuqishme shiu me vetëtima dhe bubullimë, ndërsa ndonjë rrebesh mund të depërtojë edhe në Dukagjin të Kosovës./MeteoBallkan
