Sot në Kosovë pritet të mbajë mot me vranësira, mjegull dhe nga mesdita ose pasdite me mundësi për intervale kohore me diell dhe rritje të temperaturave. Temperaturat pritet të lëvizin nga -2 deri në 7 apo 8 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me vranësira dhe intervale kohore me diell. Pas reshjeve lokale do të ketë përmirësim të kushteve të motit, megjithatë në disa zona mund të ketë ndonjë reshje afatshkurtër.
Mot me vranësira e intervale kohore me diell do të vazhdojë edhe ditëve të ardhshme. Të Enjten vonë dhe të Premten herë lokalisht priten rrebeshe lokale shiu, ndërsa temperaturat do të kenë tendencë rritjeje të lehtë përveç rajoneve ku eventualisht ende mund të ketë kushte për mjegull dhe vranësira të ulëta sidomos në disa zona të ulëta dhe lugina.
Për fundjavë pritet të kemi mot pak më të ngrohtë, me alternime mes vranësirash e intervaleve të gjata kohore me diell./MeteoBallkan/
