Sot në Kosovë pritet të mbajë mot me diell dhe vranësira të shpeshta lokale. Rrallë në disa zona parashihet ndonjë rigë ose rrebesh i dobët shiu. Temperaturat do të vazhdojnë të jenë të larta me maksimalen deri në 33 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi e Mërkura vjen me diell dhe vranësira të pakta lokale. Mjaft nxehtë do të jetë dhe me shumë pak mundësi për ndonjë reshje lokale.
Të Enjten një front i ftohtë depërton në Kosovë ku orëve të pasdites do të ulen temperaturat dhe gjithashtu priten reshje shiu e rrebeshe lokale shiu me vetëtima dhe bubullimë. Rrebeshe lokale priten edhe në veri të Shqipërisë, veri të Malit të Zi, pjesë të Maqedonisë së Veriut dhe Luginës së Preshevës.
Fronti i ftohtë do të ulë temperaturat fillimisht në veri të rajonit, pastaj më vonë edhe në jug.
E Premtja vjen paksa e freskët, por njëkohësisht me stabilizim gradual.
Fundjava kryesisht me diell dhe e nxehtë./MeteoBallkan
