Sot në Kosovë pritet të mbajë mot me vranësira të cilat pritet të tërhiqen orëve të mesdites dhe pasdites kur priten intervale kohore me diell dhe një rritje e temperaturave. Mëngjesi do të jetë me acar me temperatura minimale deri në -4 gradë Celsius, ndërsa temperatura ditore pritet të arrijë deri në 6 gradë Celsius në Rrafshin e Dukagjinit.
Në Shqipëri, Maqedoninë e Veriut, Luginë të Preshevës dhe Mal të Zi pritet të mbajë mot me diell dhe vranësira lokale. Nga mesdita do të ndjehet rritja e temperaturave, por mbrëmja sjellë acar në shumë zona kontinentale.
Fundjava pritet të kushtëzojë ditë stabile dhe me rritje të temperaturave, megjithatë në shumë rajone mund të kemi krijimin e mjegullës orëve të natës dhe mëngjesit. Në disa rajone mjegulla mund të qëndrojë edhe orëve të paradites dhe ndoshta edhe pasdites. Temperaturat do të rriten në të gjitha viset ku nuk do të ketë mjegull, ndërsa në ato rajone ku eventualisht mbetet mjegulla do të vazhdojnë temperaturat e ulëta./MeteoBallkan
