Sot në Kosovë na pret mot i ndryshueshëm. Mëngjesi pritet të jetë me mjegull dhe vranësira të ulëta. Gjatë ditës priten vranësira dhe intervale kohore me diell, ndërsa pasdite priten zhvillime të vranësirave me rrebeshe lokale shiu. Vende-vende mund të ketë rrebeshe intensive sidomos në veri dhe verilindje të vendit, por reshjet nuk do të zgjasin shumë. Temperatura maksimale deri në 11 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Premten pritet të mbajë mot me vranësira dhe intervale kohore me diell. Në veri të Shqipërisë dhe Mal të Zi priten rrebeshe të herëpashershme shiu, ndërsa në viset tjera mund të ketë ndonjë reshje të izoluar.
Fundjava vjen me mot më stabil dhe në mesditë më shumë intervale kohore me diell. Mëngjeset do të jenë me mjegull dhe vranësira të ulëta, ndërsa ditët më të ngrohta dhe me intervale kohore me diell. Temperaturat në rritje./MeteoBallkan
