Sot në Kosovë na pret mot plotësisht i vranët e me reshje shiu. Herë pas here priten reshje të dendura shiu sidomos në Dukagjin e më vonë në tërë Kosovën. Reshjet e shiut do të fillojnë shumë herë në veriperëndim dhe perëndim të vendit, gjegjësisht në shumë pjesë të Dukagjinit. Gjatë ditës do të përhapen në pjesë tjera të Kosovës. Pasdite intensifikim i reshjeve (dhe erërave) të shiut në tërë vendin.
Do të fryjnë erëra nganjëherë mjaft të fuqishme nga jugu dhe jugperëndimi. Temperatura maksimale do të arrijë deri në 13 apo 14 gradë Celsius.
Mund të ketë rrebeshe intensive shiu me vetëtima dhe bubullimë dhe po ashtu në mbrëmje prapë mund të ketë stuhi bore me vetëtima dhe bubullimë.
Fronti i ftohtë dhe ulja e temperaturave
Në mbrëmje depërtim i frontit të ftohtë nga veriu me erëra të fuqishme dhe shiu do shndërrohet në borë në shumë pjesë të Kosovës. Gjatë depërtimit të frontit të ftohtë mund të ketë prapë goditje afatshkurtra të erërave mjaft të forta nga veriu, por të gjitha do të jenë kalimtare, prandaj në atë kohë rekomandohet kujdes i shtuar.
Në Shqipëri, Maqedoninë Veriore, Luginë të Preshevës dhe Mal të Zi të Premten parashihet të mbajë mot plotësisht i vranët dhe me reshje të herëpashershme shiu. Reshje shumë të dendura shiu priten në veri të Shqipërisë dhe Mal të Zi, lokalisht edhe në shumë zona tjera. Shi pritet edhe në viset kodrinore-malore por në mbrëmje priten reshje bore ë këto zona të larta.
E Shtuna vjen dukshëm më e ftohtë dhe me reshje kryesisht të pakta, lokale bore. Gjatë ditës priten edhe kthjellime, por do të jetë mjaft ftohtë. Në mbrëmje acar.
Mëngjesi i së dieles pritet të jetë shumë i ftohtë me temperatura minimale deri në -8 gradë Celsius. Dita vijon kryesisht me diell, por jo e ngrohtë./MeteoBallkan
