Sot në Kosovë pritet të mbajë mot kryesisht me diell dhe vranësira të pakta lokale. Mëngjesi do të jetë mjaft i ftohtë dhe me acar dhe vende-vende me mjegull, ndërsa dita kryesisht me diell dhe stabile. Temperaturat minimale pritet të zbresin deri në -5 gradë Celsius, kurse ajo maksimale deri në 6 apo 7 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell, por edhe me vranësira të pakta lokale. Mëngjesi do të jetë me acar në viset kontinentale, kurse dita kryesisht me diell në tërë rajonin. Në viset kodrinore-malore pritet acar i fortë.
Të shtunën shtim i vranësirave dhe reshje lokale shiu. Reshje dhe rrebeshe më intensive dhe më të shpeshta priten në Shqipëri. Edhe e diela me reshje e rrebeshe lokale shiu, ndërsa në viset kodrinore-malore reshje shqote e bore. Në mbrëmje ulje e ndjeshme e temperaturave dhe reshje të pakta bore të karakterit lokal./MeteoBallkan
