Sot në Kosovë pritet të mbajë mot mjaft i ngrohtë për këtë periudhë kohore. Priten vranësira e rreze të shumta diellore, ndërsa rrallë në ndonjë rajon mund të ketë ndonjë reshje të izoluar shiu. Erëra nganjëherë do të jenë të fuqishme nga jugu dhe jugperëndimi, ndërsa temperatura maksimale pritet të arrijë deri në 26 gradë Celsius.
Në Shqipëri më shumë vranësira, por edhe intervale kohore me diell. Në veri të vendit lokalisht parashihen reshje kryesisht të dobëta shiu, por temperaturat do të jenë të larta. Vranësira dhe reshje lokale shiu të Shtunën priten edhe në Mal të Zi, ndërsa thatë dhe nxehtë në Maqedoninë Veriore dhe Luginë të Preshevës. Temperaturat në disa rajon pothuajse verore. Do të fryjnë erëra të ngrohta nga jugu, jugperëndim dhe juglindja.
Të dielën ulje të lehta të temperaturave me rrebeshe të izoluara shiu me ndonjë vetëtimë dhe bubullimë, por edhe erëra jugperëndimore dhe intervale kohore me diell.
Të Hënën fronti i ftohtë ajror përshkon rajonin me reshje e rrebeshe lokale shiu, ulje të ndjeshme të temperaturave dhe në disa rajone edhe reshje bore sidomos në disa zona kodrinore-malore. Erërat do të fillojnë të fryjnë mjaft të ftohta nga veriu dhe verilindja.
Të Martën ditë dimërore me fjolla lokale bore./MeteoBallkan
