Sot në Kosovë pritet të kemi mot stabil dhe me diell, por edhe me mundësi për vranësira të shtresave të larta në disa rajone. Do të fryjnë të lehta e në disa rajone mesatare kryesisht nga jugu. Mëngjesi në disa zona do të sjellë ngrica dhe mjegull.
Temperaturat minimale do të zbresin në 0 gradë Celsius, kurse maksimalja pritet të arrijë deri në 17 gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi e shtuna sjellë mot stabil dhe kryesisht me diell. Mëngjesi në disa zona do të sjellë mjegull dhe ngrica, kurse dita mot kryesisht me diell dhe të ngrohtë për këtë periudhë kohore.
Dita e diel pritet të jetë edhe më e ngrohtë, me rritje të mëtutjeshme të temperaturave si ato minimale po ashtu edhe ato maksimale dhe njëkohësisht do të fillojnë të fuqizohen rrymimet ajrore nga jugu e jugperëndimi.
Të Hënën në disa rajone do të ketë shtim të konsiderueshëm të vranësirave fillimisht në veri të Shqipërisë dhe Mal të Zi, pastaj edhe në jug të Shqipërisë dhe veriperëndim e veri të Kosovës.
Në veri të Shqipërisë dhe Mal të Zi do të fillojnë rrebeshe intensive lokale shiu me vetëtima dhe bubullimë, pastaj edhe në jug dhe më vonë edhe në pjesë të Republikës së Kosovës.
Të Martën dhe të Mërkurën na pret mot me vranësira të dendura dhe reshje po ashtu lokalisht të dendura shiu, vende-vende me stuhi shiu sidomos në jug qendër dhe veri të Shqipërisë. Reshje shiu priten në të gjitha viset, madje edhe në Kosovë priten reshje shiu të cilat në disa periudha mund të jenë të dendura dhe madje të shkaktojnë vërshime afatshkurtra.
Vërshime më të mëdha potencialisht mund të ketë në veri-veriperëndim të Shqipërisë, jug të Malit të Zi dhe jug-jugperëndim të Shqipërisë./MeteoBallkan
