Sot në Kosovë na pret mot me diell dhe vranësira lokale. Mëngjesi do të jetë mjaft i ftohtë dhe në shumë zona me acar kogja të fortë, megjithatë jo ekstrem. Temperaturat pritet të luhaten nga -6 minimalja deri në 8 gradë Celsius maksimalja. Acar i vërtetë me -6 e ndoshta edhe deri në -8 në viset e larta malore.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira lokale. Mëngjesi me acar sidomos në viset malore, ndërsa gjatë ditës me diell dhe rritje të temperaturave. Do të vazhdojnë të fryjnë erëra të ftohta nga veriu dhe verilindja. Erërat do të kenë tendencë dobësimi.
E diela në tërë rajonin kryesisht me diell, por mëngjesi në disa lugina dhe ultësira mund të jetë me mjegull. Gjatë ditës pritet mot i qetë dhe stabil. Erërat veriore dhe verilindore do të dobësohen gradualisht. Cilësia e ajrit do të fillojë të përkeqësohet.
Nga e hëna më ngrohtë. Vetëm në zonat ku eventualisht mund të krijohet mjegull do të jetë ftohtë. Temperaturat do të shënojnë rritje si minimalet po ashtu edhe maksimalet. Rrymimet ajrore do të ndryshojnë dhe do të fillojnë nga jugperëndimi. Normalisht mëngjeset do të mbeten mjaft të ftohta, vende-vende me acar të lehtë./MeteoBallkan
