Masa ekstreme polare po tërhiqet gradualisht nga viset tona, me mundësi për ngrica të dobëta edhe një apo dy mëngjeset e ardhshme, ndërsa radhën e kanë dy sisteme frontale që do të sjellin reshje të reja atmosferike, kryesisht shi në ultësira dhe borë në viset malore.
Fronti i ftohtë gjatë ditës së Enjte sjell shtim dhe dendësim të vranësirave me reshje lokale shiu. Reshje paksa më intensive priten në orët e vonshme të pasdite dhe mbrëmjes, ndërsa në viset malore do të ketë reshje të reja bore.
Për shkak të kontaktit të masave të ndryshime ajrore në Dukagjin do të ketë erëra jugperëndimore dhe perëndimore, ndërsa në Rrafshin e Kosovës veriperëndimore dhe veriore. Me avansimin e frontit erëra veriore priten në tërë rajonin.
E Premtja sjellë përmirësim të shkurtër të motit dhe prapë erëra drejtimesh të ndryshme. E Shtuna vranësira të reja dhe reshje lokale e erëra kryesisht veriore. Temperaturat fatmirësisht nuk shënojnë ulje ekstreme. Nuk priten reshje të mëdha.
Nga diela do të kemi afrimin e masave dukshëm më të ngrohta ajrore dhe largimin e fronteve destabilizuese.
Pritet përmirësim i motit nën ndikimin e një anticikloni më stabil. Temperaturat do të shënojnë rritje të ndjeshme dhe priten kthjellime apo intervale më të gjata kohore me diell. Erërat do të fryjnë drejtimesh të ndryshme me tendencë të kthimit të tyre nga jugu në drejtim të veriut.
Fillimi i javës së re me mot të vërtetë pranveror, me shumë intervale me diell, por vranësirat shtohen gjatë javes me mundësi për ndonjë rigë ose rrebesh të izoluar shiu.
Temperaturat do të shënojnë rritje dhe ka gjasa që në mes të muajit të arrijnë deri në 25 gradë Celsius apo ndoshta edhe ndonjë shkallë më lartë./MeteoBallkan
