Fundi i Qershorit dhe fillimi i Korrikut Evropa ishte përfshirë nga një valë mjaft e fuqishme e nxehtësisë afrikane, kurse javën e ardhshme Evropa do të përfshihet nga temperatura të cilat për këtë periudhë kohore konsiderohen mjaft të ulëta.
Nga Atlantiku verior do të depërtojnë masa mjajt të ftohta ajrore në drejtim të Evropës por edhe Ballkanit. Gjithashtu priten edhe shira dhe stuhi të fuqishme lokale me vetëtima. bubullimë dhe breshër. Edhe Ballkanin e presin procese mjaft të bujshme atmosferike javën e ardhshme sepse kontakti i ajrit të ftohtë nga veriu dhe ajrit të nxehtë me origjinë nga Afrika Veriore do të ndodhë edhe në Ballkan. Stuhi të fuqishme dhe reshje të rrëmbyeshme shiu priten që nga Sllovenia, Kroacia, Bosna dhe Hercegovina, Serbia, e pastaj në drejtim të Bullgarisë, Rumanisë dhe Greqisë. Rrebeshe dhe stuhi shiu priten edhe në bregdetin Adriatik, posaqërisht në veri të Adriatikut.
Në trojet tona i ftohti do të vonohet dhe nuk do të shpëtojmë lehtë nga nxehtësia e këtyre ditëve, por megjithatë do të arrijë afërsisht kah mesi i javës së ardhshme edhe tek ne.
Reshje dhe rrebeshe shiu gjatë javës së ardhshme priten edhe në Kosovë, Shqipëri dhe Maqedoninë e Veriut, kurse nga rrebeshet e shiut do të përfshihet edhe bregdeti shqiptar dhe malazez afërsisht kah e mërkura ose e enjta, megjithatë ndryshime do të ndodhin në parashikim dhe për momentin ky ishte një parashikim në vija të trasha. Detajet do ti dimë ditët e ardhshme dhe deri kah e mërkura ose e enjta moti në bregdet do të jetë i nxehtë dhe fantastik./Meteoballkan
