Moti po kthjellohet gradualisht dhe në ato rajone ku gjatë natës do të ketë kthjellim të plotë pritet që temperaturat të bien nën 0 gradë Celsius, ndërsa erërat e ftohta do të vijnë duke u dobësuar gradualisht.
Edhe dita e premte do të jetë nën ndikimin e kësaj mase të ftohtë ajrore, megjithatë temperaturat ditore shënojnë rritje kryesisht të lehta, ngase erërat do të dobësohen dhe priten intervale të gjata kohore me diell.
Temperaturat gjatë natës dhe orëve të hershme të mëngjesit do të lëvizin nga 0 deri në -3 gradë Celsius, varësisht nga rajoni në rajon dhe kthjellimi gjatë natës. Ngjashëm do të jetë edhe mëngjesi i hershëm i së shtunës, madje mund të jetë edhe më i ftohtë, por nga dita e shtunë do të kemi rritje rapide të temperaturave ditore dhe fundjava na sjellë mot pranveror në tërë rajonin tonë./METEOBALLKAN
