Reshjet e dendura të shiut gjatë natës shkaktuan dëme të mëdha në të gjithë Bosnje dhe Hercegovinën.
Më së shumti pësuan Jabllanica, Kresheva dhe Busovaça, si dhe shumë fshatra në ato rajone.
Situata është katastrofike në Drezgevice, një vend i populluar afër Kreshevës. Sipas fotografive që disponojmë, situata në këtë fshat është kaotike.
Ndërtesa të shumta janë përmbytur, pemët janë marrë nga uji i rrëmbyeshëm, si dhe është rrëzuar një shtyllë ndriçimi.
Marija Buhaç, kryeministrja e Qarkut të Hercegovinës dhe Neretvës theksoi se ka viktima njerëzore, por se nuk mund të specifikojë se sa njerëz kanë humbur jetën për momentin.
Ndërkohë, siç raporton mediumi Klix.ba, viktima njerëzore ka pasur në fshatin Zlate afër Jabllanicës, ku gjendja është më e rënduar. Sipas raportimit, të paktën tre persona kanë vdekur.
Sekuestrohen 66 kilogramë drogë në Mal të Zi, dy persona po e transportonin në këmbë
Sipas saj, sot në orën tre pas mesnate ka rënë një stuhi e fortë që ka shkaktuar dëme të shumta materiale. Ajo theksoi se jeta e qytetarëve është në rrezik.
Autoritetet e HNK-së kërkuan ndihmën e niveleve më të larta të qeverisjes, në mesin e tyre edhe Forcat e Armatosura të Bosnjë-Hercegovinës. Buhaç ka treguar se po punohet për aktivizimin e helikopterit për të shpëtuar një fëmijë në Jabllanicë.
