Një fronti i ftohtë ajror nga veriu po afrohet dhe në anën tjetër cikloni mesdhetar me reshje atmosferike nga Mesdhesu do të përfshijë trevat tona gjatë natës dhe mëngjesit të së Premtes.
Si pasojë do të ketë reshje shiu, erëra të ftohta nga veriu e verilindja që do të kushtëzojnë ulje të ndjeshme të temperaturave. Në viset kodrinore-malore pritet të fillojnë edhe reshjet e shqotes dhe borës gjatë ditës së Premte, ndërsa temperaturat shënojnë ulje të ndjeshme sidomos pasditen dhe mbrëmjen e së Premtes.
Reshjet e shiut do të fillojnë në Shqipëri, pastaj gjatë natës dhe mëngjesit të së Premtes do të shtrihen në të gjitha trevat tona, ku lokalisht priten reshje të dendura shiu. Këto reshje do të jenë shumë të mirëseardhura, por i ftohti mund të dëmtojë edhe më shumë disa nga kulturat bujqësore.
Fronti i ftohtë do të jetë mjaft intensiv dhe temperaturat e ulëta të cilat indikojnë edhe hartën e motit, ngjyra e kaltër e theksuar tregon temperatura dukshëm nën vlerat mesatare. Në veri të Malit të Zi dhe jugperëndim të Serbisë priten reshje të dendura bore që mund të krijojnë edhe shtresa, por edhe në viset tjera malore si të Kosovës po ashtu edhe të Maqedonisë së Veriut pritet të kemi shtresa bore.
Dita e Premte më tepër do ti ngjajë vjeshtës së vonë, madje në disa vise sidomos malore edhe dimrit.
Pas kalimit të ciklonit do të pasojë përmirësimi i motit, por jo tërësisht, ngase ende priten reshje dhe rrebeshe lokale, ndërkaq mëngjeset do të vazhdojnë të jenë mjaft të ftohta duke rrezikuar ende ngrica të dobëta gjatë fundjavës.
Gjatë javës së re sigurisht se do të kemi rritje të temperaturave dhe më shumë intervale kohore me diell, por gjithnjë mund të kemi gjasa për ndonjë rrebesh lokal shiu./MeteoBallkan
