Anticikloni afrikan po konsolidohet në Mesdhe dhe po vjen në drejtim të Ballkanit. Gjendja sinoptike do të favorizojë depërtimin masiv të pluhurit saharian nga Afrika veriore në drejtim të Evropes, por jo në drejtim të Ballkanit. Masivi ajror anticiklonik në Itali nuk e lejon pluhurin saharian të vijë në viset tona por e drejton nga Spanja, Franca, Britania e Madhe, pastaj Gjermania, Beneluksi dhe shtetet Skandinave.
Koncentrimi masiv i pluhuhit saharian do të shfaqet në Spanjë në vijë ajrore deri në Norvegji dhe perëndim të Rusisë, ndërkohë që në viset tona temperaturat rriten por pa koncentrim të madh të pluhurit saharian.
Temperaturat po rriten nga nesër, por sipas parashikimeve më të fundit kjo valë nxehtësie do të jetë paksa më e butë se që parashihej më parë në viset tona.
Pra, përgadituni për disa ditë me mot mjaft të këndshëm dhe të nxehtë pranveror, pastaj edhe veror, por pa nxehtësi ekstreme dhe pa pluhur afrikan./MeteoBallkan
