Ulqini padyshim se është njëri nga destinacionet më të frekuentuara për kosovarët gjatë pushimeve verore.
Nuk është edhe e rrallë, pasi pothuajse çdo sezon veror ndodh që faturat e çmimeve të kenë rritje, qoftë në hotele, restorante edhe kur shkon në plazh për të blerë një çadër.
Tashmë veçse ka nisur sezoni veror dhe në rrjete sociale filluan të qarkullojnë fatura të çmimeve të kushtueshme në restorante.
Gazeta Sinjali ka siguruar një faturë të njërit nga restorantet në Ulqin, ku një turisti i është dashur të paguajë trefishin e asaj se çka ka porositur.
Turisti kosovar ka zgjedhur të porosisë një top akullore, mirëpo ai ka paguar sikur t’i kishte porositur tre, “sepse ashtu paguhet”.
Ndryshe, rastet e rritjes së çmimeve gjatë sezonit veror janë të shumta, për të cilat edhe ankohen turistët, megjithatë nuk ndryshon asgjë.
Theksojmë se këtë vit veçse janë paralajmëruar rritjet e çmimeve në vende turistike.
