Modelet globale kompjuterike për parashikim të motit kanë “lëvizur” në përditësimet e tyre në favor të një cikloni dimëror, potencial për fillimin e javës së re, edhe pse periudha kohore është e gjatë sinjali është mjaft i fortë.
Parashikimet më të fundit për reshjet eventuale të borës në Kosovë japin mundësi për një ciklon dimëror i cili përpos viseve kodrinore-malore mund të kemi reshje bore edhe në zonat e ulëta të Republikës së Kosovës, madje edhe në zonat më të ulëta të vendit.
Fillimisht të Premten do të kemi një ciklon së bashku me frontin e ftohtë. Së pari do të fillojnë reshje shiu, pastaj gjatë së shtunës edhe reshje bore në shumë pjesë të Republikës së Kosovës dhe zonat kodrinore-malore të rajonit. Në viset kodrinore-malore do të ketë shtim të konsiderueshëm të sasisë dhe trashësisë së borës, por reshje bore të Premten vonë eventualisht të shtunën do të ketë edhe në shumë pjesë më të ulëta të Republikës së Kosovës, por edhe në disa zona në Maqedoninë Veriore dhe Luginë të Preshevës. Reshje bore priten në veri të Malit të Zi dhe zonat kodrinore-malore në veri dhe lindje të Shqipërisë
Cikloni dimëror potencial
Edhe më interesante është gjendja sinoptike krejt në fund të kësaj jave dhe në fillim të javës së re, me ardhjen e një sasie më të madhe të ajrit të ftohtë dhe një cikloni edhe më të fuqishëm dimëror. Ky ciklon potencialisht do të kushtëzojë reshje të reja bore në shumë vise të Kosovës dhe Maqedonisë së Veriut si dhe në vendet në Shqipëri ku tradicionalisht bie borë. Ka mundës për krijimin e shtresave të borës edhe në shumë vise të ulëta në Kosovë dhe Maqedoninë Veriore.
Pasi që kemi të bëjmë me një periudhë kohore mjaft të gjatë ndryshimet do të ndodhin, por sinjali është aq i fortë për këtë skenar me reshje bore dhe nuk mundem ta anashkalojmë.
Në fund të themi se ndryshime ende mund të ndodhin dhe të shpresojmë që entuziastët e borës të mos zhgënjehemi shumë edhe kësaj radhe.
Atmosfera do të jetë mjaft dinamike duke filluar nga e Premtja dhe ne do të jemi duke e ndjekur gjendjen sinoptike e cila sipas ecuriva aktuale na premton reshje bore. Të shpresojmë që mos të ketë ndonjë ndryshim të madh në ecuritë sinoptike./MeteoBallkan
