Sot në Kosovë na pret mot mjaft i ftohtë dhe me erëra mjaft të ftohta nga verilindja. Parashihen vranësira e intervale kohore me diell. Në disa zona priten rrebeshe afatshkurtra, të herëpashershme bore sidomos në jug të Kosovës dhe në viset kodrinore-malore. Temperaturat nga -6 deri në 2 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me vranësira e intervale kohore me diell. Në disa zona ende do të vazhdojnë reshjet e herëpashershme të borës, ndërsa vazhdojnë erëra të ftohta nga verilindja.
Edhe të Enjten priten alternime mes vranësirave e intervaleve kohore me diell, ndërkohë që rrallë në disa vise priten reshje afatshkurtra bore. Temperaturat do të vazhdojnë të jenë të ulëta.
Nga e Premtja më ngrohtë në mesditë, por nata dhe mëngjesi me acar të fortë. Temperaturat ditore shënojnë rritje dhe acari do të zbutet, përpos zonave ku eventualisht mund të kemi përqendrim më të gjatë të mjegullës./MeteoBallkan
