23 shtatori shënon zyrtarisht dhe nga pikëpamja astronomike arritjen e vjeshtës. Por pse kjo stine sjell me vete edhe ndryshimin e ngjyrës se gjetheve?
Gjethet e gjelbërta ne vjeshte bëhen te verdha, portokalli, te kuqe, te kafta. Por cila është arsyeja e këtij ndryshimi? Sipas David Lee qe e ka studiuar këtë fenomen qe prej shume kohesh, kjo lidhet me natyrën shtresëzuese te ngjyrave, ashtu sikurse edhe ne një pikture pasteli ne letër.
E verdha dhe portokallia. Ne qelizat e gjetheve, pigmentet kimike përgjegjëse për ngjyrat e verdhe dhe portokalli, ndodhen normalisht por ato qëndrojnë te padukshme nen te gjelbrën e klorofilës, pigmenti qe është ne gjendje te kape dritën e diellit. Por nga fillimi i vjeshtës, kur edhe vete gjethet janë nga fundi i ciklit, klorofila fillon te dobësohet, duke i dhënë kështu mundësinë te verdhës dhe portokallisë te dale ne pah.
E kuqja dhe vjollca. Bimët prodhojnë gjithashtu edhe te tjera pigmente, te ashtuquajturat antociani qe kane ngjyra ne te kuqe dhe luajnë rolin e kremit solar kundër disa rrezeve ultraviolet. Për sa kohe klorofila dhe antociani bashkëjetojnë, ngjyra e gjetheve i afrohet ngjyrës se broncit, por kur antocianet predominojnë, atëherë gjethet duken gati ne vjollce.
Gjethet gri. Kjo ngjyre shfaqet tek gjethet atëherë kur ato janë tërësisht ne fund te ciklit. Ne këtë faze te tyre, pigmentet lidhen se bashku për te krijuar atë David Lee e ka quajtur “myshk kaf”.
