Pas shumë ditëve me stuhi që shkaktuan edhe shumë dëme materiale sot rajoni është më i qetë dhe nuk ka zhvillime. Atmosfera është stabilizuar që nga Italia veriore, Sllovenia, Kroacia, Bosnja, Serbia etj rajone këto që u goditën më së shumti nga stuhi destruktive.
Sot stuhi ka vetëm në lindje të Bullgarisë, larg në Rumani dhe Ukrainë, ndërsa reshje lokale shiu ka në disa pjesë të Francës, Gjermanisë dhe Britanisë së Madhe. Disa stuhi intensive të izoluara mund të ndodhin në Spanjë.
Sidoqoftë në pjesë të Evropes qendrore gjithnjë do të ketë gjasa për stuhi kalimtare të izoluara shiu me vetëtima dhe bubullimë.
Për fundjavë një tjetër front nga Atlantiku arrin deri në Alpe dhe Italinë veriore duke shkaktuar përsëri destabilizim të fuqishëm të motit. Italia veriore do të përfshihet nga stuhi të reja me breshër, ndërsa stuhi lokale këtë fundjavë do të ketë edhe në Zvicër.
Pas Italisë veriore (në fundjavë) frontet me stuhi intensive përsëri do të përfshijnë shumë pjesë të Sllovenisë, Kroacisë, dhe disa pjesë të Bosnjës e Serbisë duke u dobësuar deri të vijnë në territoret tona. Në territoret tona arrijnë krejt të dobësuara (sipas ecurive aktuale sinoptike) të hënën ku do të ketë gjasa për rrebeshe lokale shiu me vetëtima dhe bubullimë./METEOBALLKAN
