Reshje të reja bore nga cikloni më i ri do të përfshijnë Francën dhe nga Franca do të kalojnë në Zvicër dhe jug të Gjermanisë. Reshje të dendura bore përpos viseve malore të këtyre vendeve do të përfshijnë edhe ultësirat ku priten shtresa bore, edhe pse jo aq të mëdha në zonat më të ulëta.
Cikloni më i ri mjaft i fuqishëm nga Atlantiku do të udhëtojë shpejtë nga Franca, përmes Evropes qendrore, në drejtim të lindjes duke shkaktuar reshje intensive dhe erëra të fuqishme. Pasi që kemi ajrin e ftohtë Arktik shumë nga këto reshje do të jenë në formë dëbore.
Pikërisht ky ciklon do të jetë përgjegjës për frontin e fuqishëm dhe reshjet që priten të Premten në territoret tona.
Reshje të dendura bore nga territori i Francës do të kalojnë në Zvicër, jug të Gjermanisë sonte, pastaj në veri të Italisë, dhe Austri, ndërkohë që Slloveninë e përfshijnë reshje të dendura shiu. Reshjet e dendura të borës nga jugu i Gjermanisë do të kalojnë në Çeki dhe nga Zvicra në Austri, pastaj do të përfshijnë edhe Hungarinë, Sllovakinë dhe jugun e Polonisë, për tu përhapur pastaj gjatë së Premtes në Rumani, Ukrainë pjesë të Ballkanit duke përfshirë edhe Kosovën.
Pra, të gjitha këto do të jenë pjesë e këtij sistemi mjaft të fuqishëm ciklonik që vjen nga Atlantiku përmes Francës dhe zhvendoset shumë shpejtë thellë në lindje të Evropës dhe Rusi.
Ajri i ftohtë Arktik do të qëndrojë edhe disa ditë në Evropë duke u përhapur drejt Ballkanit gjatë vikendit, ndërsa gjatë javës së re masa më të ngrohta ajrore nga jugu i Oqeanit Atlantik do të përfshijnë Evropën duke rritur pak temperaturat.
Në viset tona të Premten kemi fillimisht frontin e ngrohtë ajror me shi dhe gjatë natës frontin e ftohtë ajror me bore./MeteoBallkan
