Janë shfaqur pamje dramatike të përmbytjeve të para në Sahara në gjysmë shekulli.
Dy ditë reshje shiu në shtator tejkaluan mesataret vjetore në disa zona të Marokut juglindor dhe shkaktuan një përmbytje, thanë zyrtarët e agjencisë meteorologjike të vendit në fillim të tetorit.
Në Tagounite, një fshat rreth 450 km në jug të kryeqytetit, Rabat, më shumë se 100 mm u regjistruan në një periudhë 24-orëshe.
Imazhet satelitore nga NASA treguan se një shtrat liqeni, i thatë për 50 vjet ishte i mbushur.
“Kanë kaluar 30 deri në 50 vjet që kur kemi pasur kaq shumë shi në një hapësirë kaq të shkurtër kohore”, tha për Associated Press, Houssine Youabeb, një zyrtar i agjencisë meteorologjike të Marokut.
Shira të tillë mund të ndryshojnë kushtet e motit në rajon në muajt dhe vitet e ardhshme.
Ndërsa ajri mban më shumë lagështi, ai nxit avullimin dhe provokon më shumë stuhi, tha Youabeb.
Përmbytjet në Marok vranë 18 njerëz muajin e kaluar, me ndikimin që shtrihej në rajonet që ishin prekur nga një tërmet vitin e kaluar.
Sahara, e cila ka një sipërfaqe prej 9.4 milion km katrorë është shkretëtira më e madhe në botë, shtrihet në një duzinë vendesh në Afrikën veriore, qendrore dhe perëndimore.
Thatësira e përsëritur ka qenë një problem në shumë prej këtyre vendeve pasi ngjarjet ekstreme të motit janë në rritje për shkak të ngrohjes globale.
Kjo ka çuar në parashikime se stuhi të ngjashme mund të ndodhin në Sahara në të ardhmen.
