Pas reshjeve të mëdha të shiut në Prishtinë, 15 udhëtarë janë evakuuar, pasi autobusi me të cilin udhëtonin e ka pasur të pamundur të qarkullonte. Ky mjet transportues kishte mbetur në nënkalimin tek Stacioni i Autobusëve në Prishtinës.
Këtë e ka konfirmuar Lulzim Fushtica, drejtor i Emergjencave.
Përndryshe, shumë nga rrugët e kryeqytetit kanë qenë të vërshuara si shkak i shiut.
Reshjet e shiut kanë bërë që edhe energjia elektrike të ndërpritet në disa lokacione.
