Në masë ajrore ciklonike shumë e fuqishme pritet të krijohet në Mesdheun perëndimor duke ardhur në drejtim të Ballkanit ku priten reshje të reja shiu mjaft të dendura të cilat do të shkaktojnë përmbytje në disa zona dhe shtete ballkanike.
Por, fillimisht të flasim për territoret tona të cilat ende janë nën ndikimin e masave të thata anticiklonike dhe ardhja e ciklonit do të fillojë të ndjehet të Enjten kur në Shqipëri do të fillojnë rrebeshe lokale të shiut, ndërsa rrebeshe kalimtare priten edhe në Dukagjin dhe veri të Kosovë dhe veriperëndim të Maqedonisë së Veriut.
Para ardhjes së reshjeve do të rriten temperaturat (sot dhe të enjten), por e enjta sjellë edhe vranësira lokale.
Cikloni do të kushtëzojë fuqizimin e rrymimeve ajrore nga jugu dhe kjo nënkupton temperaturat të larta në viset tona, por me ardhjen e ciklonit dhe dendësimin e vranësirave (të Premten vonë) normalisht temperaturat do të pësojnë ulje, por jo shumë të theksuara.
Pra, para nesh një ditë stabile të cilen duhet shfrytëzuar në maksimum, sepse nga e enjta fillon ndryshimi gradual, fillimisht vetëm në disa zona. E Premta sjellë reshje dhe rrebeshe të dendura shiu, pasdite dhe në mbrëmje edhe në shumë pjesë të Kosovës.
Temperaturat do të shënojnë ulje të Premten dhe për fundjavë, por nuk pritet ndonjë i ftohtë i theksuar. Reshjet më të dendura pritet të ndodhin të Premten, ndërkaq në fundjavë do të ketë alternime mes vranësirave, intervaleve kohore me diell dhe rigave lokale të shiut./MeteoBallkan
