Një ngjarje e pazakontë ka ndodhur në një fushë futbolli në Japoni, kur për shkak të një rrufeje 18 futbollistë kanë mbetur të plagosur.
Ngjarja ndodhi në qytetin e Miyazaki, teksa në fushë po zhvillohej një ndeshje mes dy ekipeve të të rinjve.
Nga aksidenti janë lënduar 18 persona, dy prej të cilëve në gjendje të rëndë.
Një paralajmërim për stuhi kishte qenë në vend kur ndodhi incidenti. Agjencia Meteorologjike e Japonisë tha se kushtet atmosferike “të paqëndrueshme” pritet të mbeten në zonë deri nesër.
Ky rast erdhi disa orë pasi një tërmet me magnitudë 7.4 goditi Tajvanin, duke shkaktuar paralajmërime për cunami në pjesën më të madhe të Japonisë.
