Mund të shihet edhe imazhet satelitore që janë marrë ditën e Martë nga Nasa rëra e dendur sahariane që “braktisë” Afriken veriore dhe “niset” në drejtim të Italisë.
Këtë fenomen e mundëson gjendja sinoptike dhe është shumë i shpeshtë kohëve të fundit e sidomos gjatë kësaj vere ka ndodhur disa herë dhe mjafton të shikoni veturat tuaja ku mund të vëreni pluhurin Saharian.
Gjatë ditës së sotme pluhuri masiv Saharian pritet të përfshijë Italinë, duke u përhapur pastaj në drejtim të shteteve ballkanike, fillimisht ato që gjendet në veriperëndim të Ballkanit. Gjatë ditëve të ardhshme pluhuri saharian pritet të “bashkohet” me masën ajrore ekstremisht të nxehtë që po përfshinë edhe territoret tona, prandaj po parashihet një atmosferë tipike “afrikanoveriore” nëse mund ta quajmë në këtë mënyrë.
Në viset tona pluhuri Saharian nuk do të jetë aq shumë i koncentruar fillimisht, por mund të vijë duke u dendësuar gradualisht, megjithatë jo sikur në Itali.
Dita e Enjte do të jetë me koncentrimin më të lartë sipas parashikimeve të tanishme dhe kjo mund të ndryshojë pak a shumë. Është fjala për viset tona, ndërkohë që në Itali pluhuri vjen vetëm duke u dendësuar edhe më shumë, ngase kemi të bëjmë me një “korridor ajror” që vjen direkt nga Afrika veriore në Itali dhe Evropen qendrore.
Pluhuri masiv afrikan do të përfshijë edhe Alpet evropiane dhe jugun e Gjermanisë, normalisht edhe shumë zona përreth.
Në viset tona dhe Itali pritet të qëndrojë disa ditë dhe të shoqërohet me vapën ekstreme verore.
Të gjitha këto fenomene janë plotësisht normale dhe kanë ndodhur shumë herë gjatë verës, por duhet pranuar se janë dukshëm më të shpeshta kohëve të fundit sidomos kur bëhet fjala për pluhurin Saharian.
Informacione tjera në postimet tona tjera./MeteoBallkan
