Një ngjarje unike e reshjeve është gati të ndodhë në shkretëtirën e Saharasë, e njohur ndryshe si vendi më i thatë në Tokë. Sasia e reshjeve mund të mos duket e madhe sipas standardeve normale, por një pjesë e madhe e Saharasë do të ketë mbi 500% të reshjeve normale mujore në gusht dhe shtator.
Nuk ndodh shumë shpesh që shkretëtira e Saharasë përjeton këto ngjarje reshjesh. Ato janë shumë të rralla, mesatarisht më pak se një herë në dekadë, por zakonisht janë një shenjë se diçka po ndryshon ndoshta në sistemin e motit të Tokës, duke treguar një gjendje të pazakontë të Atmosferës, shkruan Severe Weather Europe.
Sahara quhet vendi më i thatë në Tokë sepse ka pak ose aspak reshje vjetore.
Është shkretëtira më e madhe dhe më e nxehtë në botë, që shtrihet nga Oqeani Atlantik në perëndim deri në Detin e Kuq në lindje.
Por Sahara nuk ishte gjithmonë një djerrinë e nxehtë. Vetëm disa mijëra vjet më parë, ishte një rajon i gjelbër me liqene, lumenj dhe bimësi të harlisur.
Por ndryshimet në orbitën e Tokës shkaktuan ndryshime në modelet e motit të botës. Kjo e transformoi papritur rajonin e gjelbër në një nga tokat më të thata në Tokë.
