Pas mesnate të premten në Kosovë pritet të fillojnë reshje bore, fillimisht në veri në viset malore, pastaj në ato kodrinore dhe pastaj edhe në zona të ulëta, ndërsa gjatë të shtunës vonë edhe në zonat më të ulëta të Dukagjinit ku ndoshta nuk pritet ndonjë akumulim.
Reshje bore do të ketë në gati tërë territorin ku priten edhe shtresa bore në gati tërë territorin madje edhe në zonat më të ulëta (me ndonjë përjashtim).
Më gjerë siç po shihet në fotografinë kryesore reshje të dendura bore priten në të gjitha zonat kodrinore-malore të rajonit e më së shumti në kufirin Kosovë, Mali i Zi, Shqipëri dhe në malet e Bullgarisë.
Edhe ultësirat e Kosovë fillimisht e më vonë të shtunën edhe ato të Maqedonisë së Veriut do të zbardhen. Në Shqipëri reshje bore në pjesën lindore-veriore të vendit dhe në viset kodrinore -malore. Reshje bore priten edhe në Luginën e Preshevës dhe normalisht në veri të Malit të Zi.
Në foto shihet akumulimi i borës për tërë rajonin dhe mund të vlerësoni vet. Ultësirat kryesisht nga 3 deri në 15 cm. ndërsa zonat kodrinore dhe malore nga 15 deri 25 apo 30 e në malet e larta edhe deri 40 cm.
Në fund ët themi se asnjë model nuk mund të jetë 100% i saktë dhe çdo ndryshim i pozicionit (për pak km.) të ciklonit mund ndryshojë sasinë e reshjeve.
Zakonisht (pas çdo përvoje) ndodhë që në disa zona të bjerë më shumë se në foto dhe në disa zona tjera më pak dhe kjo është natyra e cila gjithmonë është enigmatike.
Këtu mund të shikoni rajonin tuaj dhe përafërsisht mund të orientoheni./MeteoBallkan
