Masat e fuqishme ciklonike që po mbretërojnë në pjesë të Evropes, sidomos në Francë, pjesë të Iberisë dhe Afrikes veriore do të shtrijnë ndikimin e tyre intensiv në drejtim të Italisë, Ballkanit dhe pjesëve tjera të Kontinentit të Vjetër.
Temperatura shumë të larta po mbretërojnë në viset tona, por kjo pritet të ndryshojë gjatë javes së re.
Reshje të shumte atmosferike po ndodhin në Afriken veriore, Francë, Spanjë dhe Evropen qendrore.
Sistemet ciklonike po shtrihen drejt Ballkanit ku pritet të fillojnë reshje të fuqishme shiu që nga Sllovenia, Kroacia, Bosnja dhe Hercegovina.
Këto reshje të hënë pritet të përfshijnë edhe Shqipërinë dhe pastaj edhe Republiken e Kosoves dhe Maqedoninë Veriore.
Para ardhjes së këtyre reshjeve do të jetë ende nxehte me zhvillime të rrebesheve të izoluara të shiut me vetëtima dhe bubullimë. Reshjet deri të hënën do të jenë të karakterit lokal me mundësi për ndonjë stuhi të fuqishme kalimtare.
Të Hënë depërtojnë vranësira të dendura fillimisht në Shqipëri, pastaj në tërë rajonin. Temperaturat shënojnë ulje të ndjeshme. Do të jenë këto shira jashtëzakonisht të mirëseardhura.
Ende do të ketë ndryshime të vogla në parashikim, por vapa e madhe po merr fund dhe shirat e shumëpritur po vijnë.
Detaje tjera në postimet tona të ardhshme. Deri të hënën kënaquni me nxehtësi dhe diell, por me ndonjë stuhi ”të papritur” kalimtare lokale./MeteoBallkan
