Instituti Evropian për monitorimin dhe studimin e stuhive të ndryshme “Estofex” sot ka dalë me analizen e tyre më të re për stuhitë potenciale që priten sot në territorin e Evropes.
Estofex shumë mirë e përshkruan linjen apo kufirin ku ndeshen masat e ndryshme ajrore: ato të nxehtat që vijnë nga Afrika veriore që janë stabile anticiklonike dhe të freskëtat që vijnë nga Oqeani Atlantik. Stuhitë apo shtrëngatat më të fuqishme ndodhin pikërisht aty ku takohen këto dy masa ajrore.
Sot me 19 Qershor 2024 stuhitë më të fuqishme parashihen të ndodhin në Francë, pastaj disa nga to po ashtu të forta nga Franca kalojnë në Gjermani, pastaj në Poloni duke u fuqizuar në mënyrë masive në Bjellorusi dhe Rusi.
Stuhi të fuqishme lokale me bresher sot priten në shumë pjesë të Portugalisë dhe Spanjës, por më të forta priten në Francë. Rrallë ndonjë stuhi priten në Italinë veriore e cila njihet për krijimin e stuhive më të fuqishme në Evropë kohëve të fundit.
Përpos Francës, disa nga këto stuhi do të rigjenerohen dhe zhvillohen në Gjermani, Pastaj në Zvicër, Austri, Çeki sidomos, për të kaluar pastaj në Bjellorusi dhe Rusi, pra këto janë zonat kryesore ku sot pritet të ndodhin stuhi të forta, lokalisht me breshër masiv dhe me potencial për struktura tornadike.
Rajoni ynë si zakonisht nën ndikimin e mases ajrore plotësisht stabile anticiklonike dhe temperatura mjaft të larta me origjinë nga Afrika veriore. Për vikend edhe në viset tona do të ketë pak më shumë vranësira dhe mund të zhvillohet edhe ndonjë rrebesh apo stuhi e izoluar që do të ishte sadopak freskim pas ditëve shumë të nxehta, por në viset tona njëherë për njëherë nuk priten stuhi apo shtrëngata të mëdha./MeteoBallkan
