Erëra mjaft të fuqishme përfshinë sot shumë pjesë të Shqipërisë, Kosovës dhe Maqedonisë së Veriut dhe këtë po e shkakton cikloni dhe ardhja e sistemit frontal në kuadër të ciklonit të fuqishëm që po shtrihet që nga Gjermania deri në Serbi, një masë gjigande ajrore me presion të ulët atmosferik.
Kjo masë ajrore po rrugëton në drejtim të lindjes dhe juglindjes, ndërsa erërat po fillojnë të dobësohen me ardhjen e shirave nga sistemi frontal.
Në Shqipëri pati edhe ende ka zhvillime shumë të fuqishme konvektive ku pati rrebeshe intensive dhe vetëtima e bubullima masive, por jo në tërë territorin. Deri më tani u preken kryesisht veriu, veriperëndimi dhe disa pjesë në qendër të Shqipërisë. Sistemi arriti edhe në Kosovë dukshëm më i dobësuar, por mjaftueshëm për të sjellur reshje shiu aq të nevojshme në territorin e Republikës së Kosovës.
Ende deri në mbrëmje nganjëherë priten erëra të fuqishme dhe rrebeshe shiu, ngase sistemi frontal është në kalim e sipër. Me kalimin e tij do të vjen deri te përmirësimi i amtosferës. Erërat do të ndalen dhe shiu po ashtu. Edhe atmosfera do të pastrohet nga mbetjet e pluhurin Saharian.
Nga nesër do të vazhdojë mot i paqëndrueshëm, me intervale kohore me diell dhe zhvillime të rrebesheve lokale të shiut me vetëtima dhe bubullimë./MeteoBallkan
