Të paktën gjashtë persona kanë humbur jetën, kur mbi 20 tornado goditën Alabamën, Mississippi dhe Georgia.
Pamjet rrëqethëse shfaqin dy burra që pothuajse kishin mbetur të “ngujuar” në tornado, derisa po vozisnin veturën nëpër Alabama, transmeton Telegrafi.
SCARY perspective inside a likely tornado as it tore through Pelham
Source: Cesar LANGUAGE warning pic.twitter.com/wbThplVPcx— Jonathan Hardison (@FOX6Hardison) March 25, 2021
“Mendova se do të vdesë”, ka thënë Ceza Willasenor që ka filmuar tornadon brenda veturës.
Sipas të dhënave të Shërbimit Kombëtar të Meteorologjisë në SHBA, në këto shtete janë shfaqur dhjetëra tornado. Ato shkatërruan 50 shtëpi dhe objekte afariste.
Si rezultat i kësaj, mbi 55 mijë banorë kanë mbetur pa energji elektrike, pa përmendur ata në Alabama që janë në numër të madh – 36 mijë.
