Për shkak të depërtimit të masës së ftohtë ajrore me origjinë polare sonte do të kemi rrezik potencial për ngrica të dobëta në territorin e Republikës së Kosovës si dhe në disa vise malore të Shqipërisë dhe Maqedonisë së Veriut.
Edhe pse masa e ftohtë polare do të largohet shumë shpejt nga rajoni ynë, prapëseprapë rreziku ekziston gjatë natës së sontme për shkak të mbetjeve të ajrit të ftohtë, qetësimit të plotë të erërave gjatë natës dhe kthjellimit të plotë të motit.
Gjatë orëve të hershme të mëngjesit temperatura do të ulet nga 2 deri në -2 ose -3 gradë Celsius dhe kjo do të varet nga rajonin në rajon, pozita gjeografike, lartësia mbidetare etj. Në viset malore mund të jetë edhe më ftohtë.
Nga nesër gjatë ditës ajri i ftohtë do të largohet dhe do të zëvendësohet nga ajri i ngrohtë me origjinë nga Mesdheu dhe Afrika Veriore dhe nuk do të ketë më rrezik nga ngricat të paktën një herë për njëherë./Meteoballkan
Foto: Piwotalweather.com
