Një mutacion që po ndodh te virusi Covid-19 e që kishte ndodhur edhe te virusi i ngjashëm gjenetikisht SARS në vitin 2003, është indikacion se virusi Covid-19 po e humbë fuqinë, ka njoftuar një studim i ri i publikuar edhe nga NY POST.
Autori i studimit, doktori Efren Lim, asistent profesor në Institutin e Biodizajnit në Universitetin Shetëror të Arizonës, bashkë me ekipin e tij kanë përdorur një tekonologji të quajtur “gjenerata e radhës” për ta lexuar në mënyrë të përshpejtuar kodin gjenetik të koronavirusit, që shkencëtarët i referon si SARS-CoV-2, shkruan MeteoBallkan.
Teknologjia ka ndihmuar shkencëtarët që të kuptojnë se si virusi shpërndahet, se si pëson mutacionet dhe se si përshatet përgjatë kohës.
Nga 382 mostra nasale që i kanë ekzaminuar shkencëtarët te pacientët e prekur nga koronavirusi, një prej mostrave kishte mungesë të një përbërësi të rëndësishëm të gjenomit të saj.
“Një prej arsyeve pse ky mutacion zgjon interesim, është sepse pasqyron një fshirje të një cope gjenetike që kishte ndodhur njëson sikur në vitin 2003 kur kishte shpërthyer SARS”, ka thënë Lim.
Prej fazës së hershme deri te faza e vonë e epidemisë SARS në vitin 2003, virusi kishte pësuar mutacione që e kishin dobësuar atë, sipas shkencëtarëve.
“Kur fshirja ndodh në gjenom, është shumë domethënëse, ngase një proteinë imuniteti po kundërvepron te pacienti i infektuar”, ka thënë doktori Lim.
Megjithatë, shkencëtarët kanë thënë se është ende herët për të konstatuar me vendosmëri ligështimin e virusit. Ata kanë porositur për kujdes, sepse edhe kështu i dobësuar, virusi mund të jetë i rrezikshëm për shtresa të ndryshme të njerëzve. /MeteoBallkan/
